Прафілактыка стыхійных пажараў - адна з галоўных задач МНС гэтымі днямі

Сухое надвор'е і вясновае прыбіранне прысядзібных участкаў ад леташняй травы дачнікамі - асноўная прычына ўзгаранняў у прыватным сектары. Прафілактыка стыхійных пажараў - адна з галоўных задач МНС вобласці гэтымі днямі. Ратавальнікі праводзяць рэйды і гутаркі з жыхарамі вёсак і аграгарадкоў. У асноўным гэта пажылыя людзі, якім даводзіцца нагадваць простыя правілы бяспечнага абыходжання з агнём. За сітуацыяй са стыхійнымі пажарамі сочаць і эколагі. Паводле слоў спецыялістаў, узгаранне сухой расліннасці на палях і лясным фондзе наносіць сур'ёзны ўрон фаўне і флоры пацярпелага ад агню ўчастка зямлі. Да адной з інспекцый далучыўся Ілья Цвяткоў.

Надзея Васільева ў вёсцы Блужа Пухавіцкага раёна жыве ўжо больш за 40 гадоў. Кожны год вясной наводзіць парадак на ўчастку. Збірае сухую траву з агарода, рыхтуецца да летняга сезона. Ад леташняй расліннасці не пазбаўляецца, а складзіруе ў спецыяльна пабудаваны бокс.

Разумна вырашаць пытанне з леташняй травой у сухое надвор'е рэкамендуюць і ратавальнікі. Супрацоўнікі МНС рэгулярна праводзяць рэйды па прыватным сектары і гутараць з дачнікамі. Тлумачаць, што раскладаць агонь падчас ачысткі сваёй тэрыторыі ад расліннасці  можна. Толькі рабіць гэта неабходна з захаваннем правілаў бяспекі. 

За бяспекай і парадкам разам з ратавальнікамі пільна сочаць і мясцовыя сельсаветы. Пажарнае становішча трымаюць пад кантролем і ў Блужскім. З надыходам вясны мясцовым жыхарам пастаянна праводзяць інструктаж. 

Вось так выглядае поле зусім недалёка ад жылых дамоў, якое пацярпела ад стыхійнага ўзгарання. Калі б агонь перамясціўся на дахі, наступствы надзвычайнай сітуацыі маглі б быць у разы больш сур'ёзныя.

Многія "падпальшчыкі" ўпэўнены, што знішчэнне сухой травы не шкодзіць глебе, а наадварот  робіць яе больш урадлівай. Аднак эколагі сцвярджаюць, што бескантрольныя вогнішчы наносяць значны ўрон прыродзе.

Гарачая пара ў Мінскай вобласці толькі пачынаецца. Пакуль не пройдуць дажджы, сітуацыя з пажарамі будзе захоўвацца напружанай. Таму аматарам гуляць з агнём супрацоўнікі МНС нагадваюць: падпальванне сухой травы і смецця строга забаронены. Парушальнікаў парадку чакае штраф да тысячы рублёў.