Саюзны медыяхолдынг стане хабам і сэрцам узаемадзеяння Беларусі і Расіі ў інфармацыйнай сферы. Пра гэта гаварылі падчас сумеснага пасяджэння беларуска-расійскай рабочай групы па пытанні рэфармавання сродкаў масавай інфармацыі Саюзнай дзяржавы і стварэнні аўтаномнай некамерцыйнай арганізацыі "Медыякампанія Саюзнай дзяржавы".
Сёння эксперты сабраліся яшчэ раз, каб абмеркаваць практычныя канкрэтныя крокі, у прыватнасці, праект статута кампаніі. Галоўная задача новага медыяхолдынга - аб'ектыўнае і праўдзівае асвятленне працэсаў беларуска-расійскай інтэграцыі і ўсіх надзённых пытанняў міжнароднага парадку дня, якія зараз цікавяць нашых грамадзян.
У свеце зараз мае месца сур'ёзнае медыйнае супрацьстаянне, людзі павінны ведаць, што адбываецца ў братэрскіх краінах. Сёння Беларусь і Расія сутыкаюцца з падобнымі выклікамі, а сумеснымі намаганнямі можна знайсці правільныя рашэнні.
Асноўны офіс холдынга будзе знаходзіцца ў Маскве, таксама будзе працаваць прадстаўніцтва ў Мінску. Плануецца, што ў структуру медыякампаніі ўвойдуць тэлеканал, некалькі друкаваных СМІ і рэдакцыя, якая будзе займацца стварэннем уласнага кантэнту для лічбавых медыя і сацсетак.
Нагадаем, прэзідэнты Беларусі і Расіі падпісалі пастанову аб стварэнні медыяхолдынга Саюзнай дзяржавы 29 студзеня па выніках пасяджэння Вышэйшага Дзяржсавета, што прайшло ў Санкт-Пецярбургу.
