Прадстаўнікі Адміністрацыі Прэзідэнта Беларусі, вертыкалі ўлады, дэпутацкага корпуса працягваюць асабістыя сустрэчы з жыхарамі рэгіёнаў.
У топе вострых тэм - Дэкрэт № 3. Палажэнні гэтага дакумента і механізм яго рэалізацыі абмеркавала з выбаршчыкамі дэпутат Палаты прадстаўнікоў Нацыянальнага сходу Людміла Дабрыніна. Сустрэчу жыхарам Оршы яна прызначыла ў будынку райвыканкама. І паколькі сёння апошні дзень выплаты збору на фінансаванне дзяржвыдаткаў за 2015 год, то разам з дэпутатам прыём вялі і прадстаўнікі камісіі, у кампетэнцыю якой уваходзіць вырашэнне пытання аб вызваленні ад выплаты збору. Так, напрыклад, пытанне жыхаркі Оршы, якая два гады таму праходзіла рэабілітацыю пасля аперацыі і не магла працаваць, было вырашана хутка і станоўча. Маці ж, якія прыйшлі прасіць за сваіх дзяцей, што ўжо некалькі гадоў працуюць у Расіі, канчатковы адказ пакуль не атрымалі. Без дакументаў, якія пацвярджаюць факт працаўладкавання ў Расійскай Федэрацыі, льгота дадзена быць не можа.
Людміла Дабрыніна, Старшыня Пастаяннай камісіі Палаты прадстаўнікоў Нацыянальнага сходу Беларусі: "Улічваючы, што Орша прыгранічча, прыйшлі са зваротамі людзі, якія працуюць у Расійскай Федэрацыі. І, вядома, павінны афармляцца працоўныя адносіны, павінны плаціцца падаткі. У нас адзіная прастора, вольнае перамяшчэнне рабочай сілы. Вядома, усё павінна быць узаконена".
У Аршанскім раёне ў камісію з заявай аб вызваленні ад выплаты збору на фінансаванне дзяржвыдаткаў звярнуліся 73 жыхары. 51 чалавек па выніках разгляду дакументаў, якія пацвярджаюць цяжкую жыццёвую сітуацыю, часткова або цалкам вызвалены ад выплаты збору.
