Да канца месяца будуць поўнасцю завершаны работы па мантажы металаканструкцый навеса галоўнай арэны, здадзены аб'ект будзе ў чэрвені будучага года. Работы на трох трыбунах практычна завершаныя, спарткомплекс будзе ўмяшчаць больш як 20 тысяч балельшчыкаў. На аб'екце прадугледжана 108 каментатарскіх пазіцый, плошча прэс-цэнтра - 690 кв. метраў. Паралельна будаўнічым работам вядзецца добраўпарадкаванне тэрыторыі.
Пасля рэканструкцыі стадыён "Дынама" атрымае першую катэгорыю Міжнароднай федэрацыі лёгкай атлетыкі, побач з асноўнай арэнай прадугледжаная разміначная. Падчас другіх Еўрапейскіх гульняў на стадыёне пройдуць цырымоніі адкрыцця і закрыцця. А каралева спорту правядзе спаборніцтвы, прадугледжаныя праграмай.
