Праблемы з пітнай вадой сёння ўзніклі ў Маскоўскім і Фрунзенскім раёнах сталіцы. З самай раніцы мінчане скардзіліся на якасць і пах вады з-пад крана. Праблему максімальна аператыўна ў гэтыя хвіліны вырашае профільнае прадпрыемства "Мінсквадаканал". Узяты пашыраныя пробы вады на адпаведнасць санітарным нормам. У мікрараёны Сухарава, Малінаўка і Паўднёвы Захад накіраваныя цыстэрны з чыстай артэзіянскай вадой. Адна з магчымых прычын сапсавання - высокія тэмпературы паветра, якія трымаюцца ў Мінску другі тыдзень. Паводле слоў спецыялістаў, праблема будзе вырашана сёння да канца дня. А пакуль лепш не карыстацца вадой з-пад крана і не гатаваць на ёй ежу.
Літаральна некалькі гадзін таму ў лабараторыі былі выкананы даследаванні праблемнай вады. Па асноўных паказчыках (шчолачнасць, наяўнасць аміяку, хлору) яе якасць адпавядае санітарным нормам. Зараз спецыялісты праводзяць работы па прамыўцы водаправоднай сеткі.
Праблемы з пітнай вадой у Маскоўскім і Фрунзенскім раёнах Мінска
24 июня 2020