Прывілеі пры паступленні, засяленні ў інтэрнат і размеркаванні могуць стымуляваць юнакоў ісці ў армію. Пра гэта "Галоўнаму эфіру" паведаміў міністр абароны. Андрэй Раўкоў таксама зазначыў, што за апошнія 10 гадоў колькасць прызыўнікоў паменшылася ў два разы. Пры гэтым, паводле апошніх даследаванняў, 84 % маладых людзей, адслужыўшы, лічаць, што армія пазітыўна адбілася на іх жыцці. Яны падужэлі і ўзмужнелі.
Андрэй Раўкоў, Міністр абароны Беларусі: "Тыя людзі, якія законна атрымліваюць адтэрміноўку для атрымання адукацыі, мы рыхтуем прапанову, каб гэтыя хлопцы абавязкова, у любым выпадку, нават пры наяўнасці адтэрміноўкі, атрымалі ваенна-ўліковую спецыяльнасць. І другое, таксама вельмі важнае, каб чалавек, які прайшоў гэтую тэрміновую службу, ён у адносінах да тых, хто ўхіляецца або ўхіляўся, меў нейкія перавагі пры паступленні пры роўных балах".
Нагадаем, указ аб звальненні ў запас і прызыве на тэрміновую ваенную службу, службу ў рэзерве 1 лютага падпісаў Прэзідэнт Беларусі. Вясновы прызыў для юнакоў, якія дасягнулі 18 гадоў і не маюць права на адтэрміноўку ад прызыву, а таксама грамадзян прызыўнога ўзросту, якія страцілі права на адтэрміноўку, прадоўжыцца да мая.
