Час добрых спраў! Прэзідэнцкі спартыўны клуб працягвае пералічваць грашовыя сродкі на рахункі спартыўных навучальных устаноў Беларусі ў рамках праекта "Алімпійскі шлях".
Беларускія атлеты, якія паспяхова выступілі на Еўрапейскіх гульнях, атрымалі права выбраць спартыўную школу, якой будзе аказана спонсарская дапамога. Сярод такіх устаноў апынулася і Лагойская СДЮШАР. Выхаванкі: Васіліса Марзалюк (вольная барацьба) і жаночая баскетбольная каманда выбралі родную школу для аказання падтрымкі. 22 тысячы 500 рублёў пералічана на развіццё комплексу і закуп новага абсталявання.
Усяго прадстаўнікі адзінаццаці відаў спорту выбралі 17 розных спартыўных навучальных устаноў, у якія будзе накіраваная дапамога ў памеры 222,5 тысячы рублёў.
Прэзідэнцкі спартыўны клуб працягвае пералічваць грашовыя сродкі ў рамках праекта "Алімпійскі шлях"
4 июля 2019