У такое светлае свята, як Каляды, кожнаму з нас жадаецца верыць у цуд. Больш думак аб выніках года, што атрымалася, а што не, планы на год наступны. Адназначна 2020-ты для кожнага стаў годам пераацэньвання каштоўнасцяў, а таксама даў зразумець нам усім, што найважнейшае ў жыцці - гэта здароўе.
На жаль, так выйшла, але шматлікія пацыенты мінскай дзіцячай інфекцыйнай бальніцы сустрэнуць калядныя і навагоднія святы ў яе сценах. Кіраўнік дзяржавы сёння наведаў дзяцей, якія тут лечацца і ад каранавіруса. Апынуцца ў бальніцы ў пярэдадзень святаў не тое што крыўдна, такога сапраўды нікому не пажадаеш. А тут дзеці. Сёння было шмат падарункаў і ўвагі, якія хоць на час дапамаглі адцягнуцца малым ад думак аб хваробе. Будзем спадзявацца, пазітыўныя эмоцыі паспрыяюць іх скарэйшаму акрыянню.
Нашы карэспандэнты пагутарылі з маленькімі пацыентамі - усе падрабязнасці ў рэпартажы Ілоны Красуцкай.
У Каляды ў краіне святочны выхадны. Але ў прэзідэнта так не бывае. Графік шчыльны, асабліва пад канец года. Яго парадак дня карэкціруе пандэмія. Аляксандр Лукашэнка паабяцаў, што надасць шмат увагі хворым. Гэтым разам прэзідэнт прыехаў у мінскую дзіцячую інфекцыйную бальніцу. Менавіта ў бальнічным антуражы разумееш: ужо лепш шмат працаваць. Чыста па-чалавечы, вядома, вельмі шкада тых, хто не зможа правесці святы сярод сям'і.
У дзіцячай інфекцыйнай бальніцы прымаюць маленькіх і дарослых пацыентаў з COVID-19
Сталічная дзіцячая інфекцыёнка - найбуйнейшая ў Мінску. Штогод меддапамогу тут атрымліваюць больш за 25 тысяч пацыентаў, у тым ліку з хваробамі органаў дыхання, стрававання, нервовай сістэмы. У першую хвалю менавіта сюды паступіла першае дзіця ў краіне з каранавіруснай інфекцыяй. Пазней сталі прымаць і дарослых хворых.
Вось у такіх палатах праходзяць лячэнне маленькія пацыенты. Тут яны знаходзяцца разам са сваімі бацькамі. Паступаюць сюды праз вуліцу, так і выпісваюцца. Каб выключыць лішнія перамяшчэнні па калідорах і пазбегнуць кантактаў з іншымі хворымі.
Прэзідэнт патрэбаваў тлумачэння прычын смерці дзіцяці ў мінскай дзіцячай інфекцыйнай бальніцы
Нашы ўрачы ў такі складаны год працуюць на знос. Ідзе барацьба за кожнае жыццё. Але выпадкі ў практыцы бываюць розныя. 16 снежня ў гэтай бальніцы памерла дзіця.
Самаму маленькаму пацыенту з каранавірусам - 19 дзён
Самаму юнаму пацыенту з дыягназам COVID-19 - менш за месяц. Хоць хвароба і дарослых ператварае ў дзяцей. Нават самы несентыментальны чалавек становіцца ранімым. Патрабуе больш увагі і клопату. А што гаварыць пра дзяцей… за іх сэрца баліць больш за ўсё.
Прэзідэнт наведаў з падарункамі юных пацыентаў інфекцыйнай бальніцы
Юная пацыентка гэтай палаты ідзе на папраўку. Энергіі хоць адбаўляй. А ў чатырох сценах не разгуляцца. Але калі прыйшлі госці, ды яшчэ з падарункамі, вельмі жадаецца пагаварыць.
Падтрымка ўрачоў 24 на 7, але важны і саманастрой. Гэта ж чыстая псіхалогія: галоўнае даваць сабе ўстаноўку, што хутка ўсё будзе добра. Так, гэта не так проста, калі пнеўманія і COVID і ў мамы, і ў дзіцяці. Трэба бадзёрыцца самой і яшчэ падтрымліваць малога.
Калі месяц знаходзішся ў бальнічных сценах, прыгнятае ўсё. Накшталт і святы блізка, а настрой не той. Любое добрае слова і ўвага на вагу золата.
Уласная навуковая школа і масавая вакцынацыя ад COVID-19
На гэтым тыдні беларусы даведаліся: у краіне будзе масавая вакцынацыя ад каранавіруса. Бясплатныя прышчэпкі ўжо ў студзені атрымаюць тыя, хто ў групе рызыкі ў першую чаргу: урачы, настаўнікі, працаўнікі гандлю. Паралельна ў Беларусі будуць вырабляць замежную вакцыну і працаваць над уласнай. Выбар у беларусаў будзе і ў плане разнастайнасці прэпаратаў, і ў плане рашэння рабіць прышчэпку або не.
Прэзідэнт наведае пацыентаў РНПЦ дзіцячай анкалогіі, гематалогіі і імуналогіі ў Бараўлянах
Каранавірус - хвароба, якая змяняе кардынальна. Гэта і пра пераацэньванне каштоўнасцяў, цалкам іншае стаўленне да ўласнага здароўя. Боязь за родных, асабліва тых, хто ва ўзросце, і самых маленькіх. Перад новым годам Аляксандр Лукашэнка паабяцаў прыехаць і да пацыентаў РНПЦ дзіцячай анкалогіі ў Бараўлянах. Сёння над самым галоўным цудам для іх - доўгім жыццём - без выхадных і святаў працуе вялікая каманда ўрачоў.