Працэс аднаўлення першага касманаўта суверэннай Беларусі Марыны Васілеўскай пасля двухтыднёвага касмічнага палёту, які завяршыўся 6 красавіка, ідзе актыўна, у найбліжэйшыя дні яна вернецца ў Мінск. Пра гэта заявіў намеснік начальніка аэракасмічнай дзейнасці Нацыянальнай акадэміі навук Беларусі Іван Буча, паведамляе БЕЛТА.
"Рэабілітацыя праходзіць у планавым парадку", - сказаў ён.
Зараз Марына Васілеўская і Герой Расіі ўраджэнец Беларусі Алег Навіцкі знаходзяцца ў прафілакторыі Цэнтра падрыхтоўкі касманаўтаў дзяржкарпарацыі "Раскосмас" у падмаскоўным Зорным гарадку. Згодна з медыцынскімі правіламі, доступ да іх сур'ёзна абмежаваны, а вузкі круг асоб мае зносіны з касманаўтамі на значнай адлегласці.
"Сёння я размаўляў з Марынай Васілеўскай. Па яе словах, самаадчуванне значна лепшае, чым пасля прылёту, гэта значыць працэс аднаўлення ідзе вельмі актыўна і пазітыўна", - адзначыў Іван Буча.
Таксама ён дадаў: "У іх ужо пачаліся абследаванні ў рамках рэабілітацыі. Я размаўляў з медыцынскімі работнікамі, усё ідзе па плане. Настрой у Марыны выдатны. Напэўна, яшчэ суткі - і можна будзе гаварыць пра тое, што яе стан поўнасцю стабілізаваўся".
"Плануецца, што ў найбліжэйшыя дні Марына Васілеўская вернецца ў Мінск", - паведаміў прадстаўнік НАН.