У Авальнай зале чакаюць і дэпутатаў, і сенатараў. Яны адрасуюць свае пытанні намесніку прэм'ер-міністра Анатолю Калініну. Пасяджэнне пачнецца ў 10 раніцы. Парадак дня сустрэчы - у Вольгі Анішчанкі.
Сёння і ў дэпутатаў, і ў членаў урада адбудзецца вялікая гутарка аб найважнейшых сацыяльна значных сферах эканомікі. У Авальную залу запрошаны віцэ-прэм'ер Анатоль Калінін. А значыць, абмяркоўваць будуць будаўніцтва, транспартны сектар і, вядома, працу жыллёва-камунальнай гаспадаркі. Фармат традыцыйны. Гэта справаздача ўрада перад дэпутатамі аб тым, якую работу праводзіць кабінет міністраў, і наколькі яна эфектыўная.
Вядома, што дэпутаты для гэтай сустрэчы накіравалі ў Савет міністраў каля 50 пытанняў. І, відавочна, віцэ-прэм'ер ужо ў сваім дакладзе папярэдне распавядзе аб усім, што хвалюе парламентарыяў. Калі штосьці ўпусціць – дэпутаты, напэўна, спытаюць асабіста. Што будзе з тарыфамі на ЖКП, якія перамены чакаюць будаўнічую галіну, якія перспектывы ў арэнднага жылля, як далей бачыцца горадабудаўнічая палітыка, ці дапрацуюць механізм вылучэння адрасных субсідый пры аплаце камуналкі? - шмат пытанняў у абывацеляў, не меншая цікавасць да гэтых сфер і ў дэпутатаў. Да таго ж, апошні час і да транспарту, і дарог, і, вядома, да ЖКГ павышаная ўвага на самым высокім узроўні.
Сустрэча, без сумнення, сёння пройдзе і пры павышанай увазе прэсы. Тым больш у Авальную залу прыйдуць і ўсе профільныя міністры. А гэта магчымасць спытаць асабіста аб дэталях, калі яны не прагучаць з высокай трыбуны. Аб самых гучных заявах распавядзём падрабязней у выпусках навін на працягу дня.
