У Мінску абмяжуюць продаж алкаголю ўначы. Ужо з панядзелка пасля 23 гадзін спіртное можна будзе купіць толькі ў барах, кафэ і рэстаранах.
Ніна Емяльянава, начальнік галоўнага ўпраўлення гандлю і паслуг Мінгарвыканкама: "Паступае шмат зваротаў грамадзян, звязаных менавіта з функцыянаваннем кругласутачных магазінаў і продажам у начным рэжыме алкагольных напояў. Рашэнне дапаможа мінімізаваць зварот грамадзян на гэтую тэму і стварыць умовы для нармальнага пражывання".
Рашэнне закранае і слабаалкагольныя напоі. Такія меры будуць дзейнічаць адзін год.