Гул швейных машын і велізарныя бабіны нітак. Падчас канікул школьнікі могуць ўбачыць, як шыюць адзенне. Цэхі, дзе з нітак сплятаюць тканіну, наведалі вучні 151-ай школы Мінска. А раней дзеці пазнаёміліся з вытворчасцю БелАЗаў, глінянага посуду і касметыкі. Дабіраюцца юныя турысты да месцаў экскурсій пераважна на электрычках і аўтобусах, што дадае вандроўцы дадатковых эмоцый.
Папулярнасць вытворчых экскурсій на заводах Мінскай вобласці значна ўзрастае падчас школьных канікул. Штодзень экскурсаводы сустракаюць мінімум пяць груп юных турыстаў.
