Падрыхтоўку да Дня без аўтамабіля сумесна са школьнікамі сёння правяла ДАІ Маскоўскага раёна сталіцы. Цэнтрам акцыі стаў адзін з прыпынкаў, яго ўпрыгожылі малюнкі на тэму прыроды. Супрацоўнікі міліцыі спынялі вадзіцеляў, а школьнікі заклікалі заўтра стаць веласіпедыстам або пешаходам.
Нагадаем, праезд на грамадскім транспарце заўтра пры прад'яўленні вадзіцельскага пасведчання бясплатны. Летась, напрыклад, паслугамі метро ў Дзень без аўтамабіля скарысталіся 16,5 тысячы чалавек.
