У размяшчэнне Гродзенскага гарнізона прыбыў першы эшалон з расійскімі ваеннымі і спецтэхнікай. Гэтымі хвілінамі ваенныя завяршаюць разгрузку. Пасля гэтага расійскі батальён накіруецца на палігон, дзе ў канцы верасня пройдзе асноўная фаза тактычных вучэнняў Беларусі і Расіі. Усяго ж у найбліжэйшыя дні прыбудуць яшчэ каля 10 ваенных эшалонаў.
Чакаецца, што расійскі кантынгент на гродзенскім палігоне павялічыцца яшчэ амаль на тысячу чалавек і 300 адзінак баявой спецтэхнікі. Беларускі бок дапамагае калегам па ўсіх пытаннях, у тым ліку з разгрузкай тэхнікі.
