Апошні дзень Масленіцы, а на царкоўным календары Дараваная нядзеля - каб з чыстай душой пачаць Вялікі пост.
Увесь тыдзень гатавалі бліны, а сёння спальваннем пудзіла праводзім зіму. У Строчыцах свята праходзіць пад адкрытым небам каля Музея народнай архітэктуры і побыту. У праграме - выступленне фальклорных калектываў, паказ лялечнага тэатра "Батлейка", майстар-класы для ўсёй сям'і і кульмінацыйная падзея - спаленне пудзіла Марэны. Ахвочыя могуць паўдзельнічаць у рэканструкцыі вясновых абрадаў, напрыклад, узлезці на слуп па масленічныя пачастункі.
Таксама можна наведаць кафэ "Беларуская карчма" на тэрыторыі музея ў вёсцы Азярцо.
