Вынікі работы добраахвотнікаў падвялі ў Полацку. Там прайшоў першы ў Віцебскай вобласці злёт добраахвотных дружын. Яшчэ з часоў СССР дружыннікі з'яўляюцца надзейнымі памочнікамі пагранічнікаў. Так, з вайскоўцамі Полацкага пагранічнага атрада супрацоўнічаюць амаль 100 чалавек.
Летась з удзелам добраахвотных дружын на ўчастку Полацкага пагранатрада затрымана 37 парушальнікаў мяжы. За дапамогу ў выкананні задач па ахове дзяржаўнай мяжы заахвочаны 52 мясцовыя жыхары, у тым ліку тыя, якія з'яўляюцца дружыннікамі.
Лепшай у 2023 годзе прызнана дружына з Браслаўскага раёна. Удзельнікам уручылі дыплом і пераходны прыз.
Удзельнікі першага абласнога злёту добраахвотных дружын усклалі кветкі да памятнага знака "Пагранічнікам усіх пакаленняў" у Полацку.
Завяршыўся злёт спаборніцтвамі па стральбе на базе вайсковага стрэльбішча пагранічнага атрада.