Першы лёд: ратавальнікі нагадваюць правілы бяспекі

Асцярожна - тонкі лёд! На вадасховішчах сталіцы і Мінскай вобласці ўтварылася першае крыштальнае пакрыццё - яно можа быць небяспечным для жыцця. Каб знізіць рызыку трагічных сітуацый, супрацоўнікі АСВОД нагадваюць правілы бяспекі. Трываласць лёду можна вызначыць візуальна: празрыстая паверхня з зялёным альбо сінім адценнем - самае надзейнае. Белага ж колеру - удвая танчэй. А вось матава-белы ці жоўты лёд - небяспечны. Ахвяр тонкага лёду ў Мінску і вобласці, на шчасце, пакуль няма. Аднак у іншых рэгіёнах краіны ўжо фіксуюцца першыя няшчасныя выпадкі. У сувязі з гэтым ратавальнікі і супрацоўнікі АСВОД узмацняюць патруляванне вадасховішчаў і рэк.