У Мінскім раёне перапахавалі астанкі загінуўшага падчас Вялікай Айчыннай вайны ва Украіне беларуса-пагранічніка. Цырымонія прайшла на тэрыторыі храма Раства Прасвятой Багародзіцы. Астанкі і жэтон байца выявілі на тэрыторыі Кіраваградскай вобласці. Устаноўлена і імя загінуўшага беларуса - малодшы сяржант Цімафей Марозаў, выхадзец вёскі Судзілавічы Дубровенскага раёна Віцебскай вобласці.
Астанкі пагранічніка былі ўрачыста перададзеныя нашаму боку 6 чэрвеня на беларуска-ўкраінскай мяжы.
Анатоль Махнюк, першы сакратар пасольства Украіны ў Беларусі: "Мы аддаём даніну павагі подзвігу героя, яго паплечнікаў, якія аддалі сваё жыццё за мір і светлую будучыню нашых народаў. Устаноўлена імя яшчэ аднаго раней безназоўнага салдата, які загінуў падчас Другой сусветнай вайны - гэта наш святы доўг перад Богам, і салдатамі, якія загінулі, абараняючы нашу Радзіму".
Пошукавыя працы ў Беларусі праходзяць пастаянна. Сёлета знойдзеныя і перапахаваныя астанкі больш чым сямі сотняў загінуўшых у гады Вялікай Айчыннай вайны. З іх астанкі пяцідзесяці салдат Першай сусветнай вайны. Устаноўлена дзевяць імёнаў. Таксама пастаянна знаходзяцца няўлічаныя воінскія пахаванні. Апошні аб'ект выявілі на поўначы Нясвіжа.
Сяргей Варановіч, начальнік упраўлення Міністэрства абароны Беларусі: "Пра гэтае пахаванне мы практычна не ведалі. Мы разлічвалі, што там пахаваныя парадку 5-9 чырвонаармейцаў і абаронцаў нашай Радзімы, але падчас правядзення пошукавых прац, у выніку эксгумацыі, мы выявілі, што там больш чым 660 астанкаў".
У маі ў вёсцы Манькавічы Пастаўскага раёна знайшлі астанкі 62 вайскоўцаў Рускай імператарскай арміі. Устанавілі звесткі аб двух радавых і адным унтэр-афіцэры.
