Акрамя гародаў, вуліц і дарог, вада ўжо адразае доступ і да сацыяльных аб'ектаў. У вёсцы Хлупін Жыткавіцкага раёна Прыпяць, якая разлілася, перакрыла падыходы да мясцовага фельчарскага пункта і школы. Медыкі прымаюць пацыентаў у сябе дома, а вучням далі прытулак у шклоле ў суседняй вёсцы.
Як настроены жыхары, даведвалася Вольга Халадовіч.
Дзе мяльчэй - у ботах, дзе глыбей - на лодках. Вясновае разводдзе зрабіла вёску Хлупін у Жыткавіцкім раёне ў літаральным сэнсе мокрым пунктам. Вада прыйшла сюды літаральна за некалькі дзён і сыходзіць не збіраецца. Прыпяць у вёсцы Хлупін не толькі затапіла дарогі і падворкі, але і ўзяла ў палон сацыяльныя аб'екты.
Фельчарска-акушэрскі пункт яго загадчыца Людміла Новак наведвае штодня. Праводзіць свой уласны маніторынг - ці падае ўзровень вады. Гаворыць, ужо можна прайсці ў гумовых ботах, а літаральна некалькі дзён таму сюды можна было толькі прыплысці на лодцы. Каб ад уздыму вады не павышаўся ціск у мясцовых жыхароў, Людміла Мікалаеўна прымае пацыентаў прама ў сябе дома.
Для мясцовых школьнікаў паводка падарыла некалькі дзён канікулаў, а зараз яны працягваюць вучыцца. Праўда, у суседняй вёсцы. У школу і назад у Хлупін вучняў і педагогаў дастаўляе спецыяльны аўтобус.