Пра гэта заявіў новы кіраўнік Рэспубліканскага саюза юрыстаў. Намеснік кіраўніка Адміністрацыі Прэзідэнта Валерый Міцкевіч сёння быў прызначаны старшынёй грамадскай арганізацыі. Паводле яго слоў, Саюз юрыстаў павінен стаць актыўным удзельнікам нарматворчага працэсу нароўні з экспертнымі арганізацыямі, якія прыцягваюцца да распрацоўкі праектаў законаў. Гэта мяркуе больш цеснае ўзаемадзеянне з парламентарыямі на стадыі падрыхтоўкі і абмеркавання законаў. А адным з элементаў зваротнай сувязі з насельніцтвам павінен стаць дэкрэт аб спрашчэнні ўмоў вядзення бізнесу.
Падраздзяленні саюза створаны ў шматлікіх рэспубліканскіх і мясцовых дзяржаўных органах і аб'ядноўваюць правазнаўцаў рознага профілю і юрыстаў краіны. Галоўная мэта спецыялістаў арганізацыі - садзейнічанне працэсу фарміравання прававой дзяржавы, усебаковай абароны правоў і законных інтарэсаў грамадзян, а таксама павышэння прафесійнага ўзроўню юрыдычных кадраў.
