Народнае веча закране Праграму развіцця Беларусі на пяць гадоў, абмяркуюць палітычныя змены, адукацыю і культуру

Відавочна, што дыялог будзе маштабны - такая дыскусійная пляцоўка праходзіць раз у пяць гадоў. А вось якія чаканні ад форуму ў экспертнай супольнасці розных краін і саміх беларусаў? Бо народнае веча закране і ў цэлым Праграму развіцця Беларусі на пяць гадоў, абмяркуюць і палітычныя змены, а таксама адукацыю і культуру. Меркаванні розных бакоў сабраў Аляксей Волкаў. 

Кожны ўдзельнік прыходзіць са сваім меркаваннем і сваім жа партфелем прапаноў - з горада або рэгіёна

14 гадзін застаецца да пачатку VI Усебеларускага сходу. І калі з зыходнымі данымі ўсё зразумела: пляцоўка, колькасць дэлегатаў і астатняе, то, як быць з чаканнямі экспертаў і людзей. Бо ў народнае веча закладзены менавіта механізм зваротнай сувязі і непрамой дэмакратыі: на сходзе прадстаўлены самыя розныя пласты насельніцтва. Што дазваляе зрабіць адну вельмі важную рэч: не адбываецца палітызацыі эканамічных і сацыяльных пытанняў - кожны ўдзельнік прыходзіць са сваім меркаваннем і сваім жа партфелем прапаноў - з горада або рэгіёна.
Так, ад размоў пра палітыку дэлегаты таксама не сыдуць - змены ў Канстытуцыі, саюзныя адносіны з Масквой і ўнутраны парадак дня Беларусі - пытанні важныя, тым больш што УНС прайшоў праверку на трываласць і ў медыйным полі, дзе яго спрабавалі і сарваць, і пагражаць удзельнікам.
Аднак вылучаецца Праграма сацыяльна-эканамічнага развіцця краіны на найбліжэйшыя пяць гадоў. Бо што важна для беларуса ў эканоміцы? Шчыльнасць уласнага кашалька, а значыць дабрабыт сям'і.