Рэспубліканская акцыя "Ад усёй душы" працягвае дарыць дабро тым, каму яно так неабходна. У Гомелі дэпутат Палаты прадстаўнікоў Аляксандр Данчанка наведаў ветэранаў баявых дзеянняў. Павіншаваць іх з Новым годам і Раством прыйшлі таксама навучэнцы школ. Генадзь Гарбачоў ваяваў у Афганістане, быў камандзірам роты. У Беларусь вярнуўся інвалідам I групы. Госці прынеслі ў дом Генадзя Мікалаевіча сапраўднае свята - падарункі, словы падтрымкі, цёплыя і душэўныя віншаванні.
Віншаванні прымаў і Алег Пліндаў - ветэран Вялікай Айчыннай вайны. Служыў разведчыкам, пасля Перамогі працаваў у адукацыі. Алег Назаравіч вядомы як літаратар, з'яўляецца аўтарам некалькіх паэтычных зборнікаў.
