Ад класікі Моцарта і Баха да музыкі кіно - "Навагоднія сюрпрызы" ў Белдзяржфілармоніі

Ад класікі Моцарта і Баха да музыкі для кіно Тарывердзіева і Цфасмана. Такімі навагоднімі сюрпрызамі радавалі ў Белдзяржфілармоніі. Штогод праект "Музычная гасцёўня" да калядных святаў рыхтуе асаблівыя "музычныя пачастункі". У праграме адыходзячага года ёсць і прэм'еры, і музычныя хіты з савецкіх кінафільмаў - такіх, як  "Іронія лёсу", "Сямнаццаць імгненняў вясны" і іншых кінастужак легендарных кампазітараў. Мастацкі кіраўнік і піяністка Таццяна Старчанка запрашае ў сваю "Музычную гасцёўню" прафесійных музыкантаў-сяброў з розных тэатраў і музычных калектываў сталіцы. Гэта як прызнаныя мэтры, так і зусім маладыя і крэатыўныя музыканты. У творы Марчэла сола на габоі выконваў навучэнец гімназіі-каледжа пры Акадэміі музыкі Фёдар Громаў.

У навагодняй праграме гучалі творы беларускіх і замежных кампазітараў, класікаў і сучаснікаў. А завяршыўся канцэрт парафразам, дзе музыка Дворжака, Моцарта і Чайкоўскага вельмі гарманічна перапляталася з "маленькай елачкай" і народнымі песнямі.