Агонь II Еўрапейскіх гульняў працягвае эстафетнае шэсце і сёння быў падняты на гару Манблан, найвышэйшае месца Еўропы. Унікальны момант у эстафеце "Полымя міру", аналагаў якому фактычна няма: на некаторы час факел галоўнай мультыспартыўнай падзеі Еўропы заззяў на самым піку адной з шасці частак свету.
Аб тым, як італьянскія Альпы рыхтаваліся да гэтай падзеі, а таксама ўсе апошнія навіны эстафеты "Полымя міру" - даведаемся ў Андрэя Казлова. Амаль 5000 метраў над узроўнем мора, найвышэйшае месца Еўропы, і двое сутак у дарозе. Унікальная асаблівасць эстафеты "Полымя міру" ў тым, што агонь II Еўрапейскіх гульняў ужо пабываў і на вяршыні гары Манблан.
Каманда байкераў тым часам рэдкія хвіліны адпачынку гэткай важнай місіі выкарыстоўвае больш чым прадуктыўна. Чарговы раз дарожныя капітаны, як яны сябе мянуюць, тлумачаць дэталі найбліжэйшага пераезду - наперадзе этап эстафеты агню "Полымя міру" з італьянскага Курмаёра ў сталіцу Славеніі Любляну. 23 байкі даставяць агонь II Еўрапейскіх гульняў у Беларусь 12 мая. Цікава, што ў іх ліку - 2 матацыклы беларускай вытворчасці. Такі караван - яшчэ адна асаблівасць у гісторыі правядзення Еўрапейскіх гульняў.
14-ы этап у 131 кіламетр веламнагадзёнкі "Джыра д'Італія", якая сёлета пройдзе 102-і раз, праходзіць па традыцыі праз Курмаёр. Менавіта гэтыя спаборніцтвы з'яўляюцца візітнай карткай у мястэчку ла падножжа Манблана. Стартуе "Джыра" 11 мая ў Балонні, а этап у Курмаёры адбудзецца бліжэй да канца месяца. Аднак ужо зараз, куды не кінь погляд, можна ўбачыць напамінак аб адной з самых знакамітых велагонак свету. Сафія, архітэктар з Расіі, у Курмаёре вывучае мясцовы "цім" гарадской забудовы. Калі яна была ў Мінску, то шырокія вуліцы нашай сталіцы яе таксама ўразілі, і ўжо тут, у італьянскіх Альпах, яна часта чуе аб Мінску, у якім і пройдуць II Еўрапейскія гульні.
Дэлегацыя II Еўрапейскіх гульняў таксама рыхтуецца і да сустрэчы нашых альпіністаў, і да чарговага пераезду. У Альпах - апошні прыпынак перад вялікай эстафетай. Наперадзе - сталіцы еўрапейскіх краін у рэжыме нон-стоп. І вось менавіта ў гэтае месца спусцяцца беларускія альпіністы з факелам II Еўрапейскіх гульняў, які ўжо пабываў на вяршыні Манблана. Хоць ужо тут вышыня над узроўнем мора даволі высокая - каля 1500 метраў. Нават калі мы дабіраліся да гэтага месца, то адчувалі недахоп кіслароду. Чарговая вяршыня ў эстафеце "Полымя міру" ўжо ўзятая. Наперадзе - шэсць дзён на шляху ў Беларусь.
