Навучальны семінар з членамі тэрытарыяльных выбарчых камісій прайшоў у Брэсце.
Аб асаблівасцях выбарчага працэсу 2015-га і змяненнях у выбарчым кодэксе расказаў Мікалай Лазовік. Сакратар Цэнтрвыбаркама паведаміў, што навіны першым чынам закранулі фінансаванне кандыдатаў. Калі раней друкаваную прадукцыю падчас агітацыйнай кампаніі аплачвала камісія, то зараз ад гэтага метаду сышлі.
Мікалай Лазовік, сакратар Цэнтральнай камісіі Беларусі па выбарах і правядзенні рэспубліканскіх рэферэндумаў: "Зараз норма закону прадугледжвае, што грошы кандыдату не даюцца. А выбарчая камісія вырабляе агульную лістоўку, дзе змяшчаецца інфармацыя аб усіх кандыдатах. Там на прэзідэнцкіх выбарах будуць і партрэты гэтых кандыдатаў, і гэтая лістоўка праз пошту паступіць у паштовую скрыню кожнай сям'і".
У Беларусі ўжо сфарміраваныя тэрытарыяльныя выбарчыя камісіі, у склад якіх увайшлі амаль дзве тысячы чалавек. Паводле закону, не менш за адну трэць саставу складаюць прадстаўнікі грамадскіх партый і грамадскіх аб'яднанняў.
