Пра лёсы даўжнікоў і пра тое, як не апынуцца ў палоне лёгкіх грошай

Заўсёды прыемна, калі канструктыўны дыялог прыводзіць да важных рашэнняў, якія задавальняюць усіх. Дадзены тэзіс цалкам прымальны і наконт наступнай тэмы. Як вядома, што вінен, аддаць павінен. Але на практыцы так выходзіць не заўсёды. У жыцці здараецца ўсялякае, часам акалічнасці могуць падштурхнуць да таго, каб спачатку пазычыць, а потым непрыметна для сябе пачаць жыць у доўг, пастаянна пазычаючы грошы ў знаёмых, ламбардаў, банкаў. 

Статыстыка пацвярджае, што далёка не кожны аддае доўг і вяртаецца да ранейшага жыцця. Хтосьці можа апынуцца пад уладай крэдытора. А той у сваю чаргу паспрабаваць вырашыць пытанне жорстка. Па прыклады далёка хадзіць не трэба. У некаторых нашых суседзяў псіхалагічны прэсінг і нават фізічныя разборкі на глебе даўгоў - ужо факт жыцця. 

Пакуль там вырашаюць, якімі метадамі вяртаць даўгі, мы даведаліся, як людзі аказваюцца ў пазыковай яме і шукаюць агульную мову з крэдыторамі, калі час працуе ўжо супраць іх. Аляксей Патапаў  пра лёсы даўжнікоў і пра тое, як не апынуцца ў палоне лёгкіх грошай (відэа).