Новы парламент сёння пачаў працу. У Авальнай зале - першая сесія. 8-е скліканне асаблівае. Усе дэпутаты стануць дэлегатамі Усебеларускага народнага сходу ў яго новым, канстытуцыйным статусе. І гэта накладвае на дэпутацкі корпус асаблівую адказнасць. Але парламентарыі запэўнілі, што ім па плячы любыя задачы.
У новым скліканні захавана пераемнасць - 20 дэпутатаў прыйшлі ў Авальную залу з мінулага складу. 27 чалавек былі абраннікамі мясцовых саветаў дэпутатаў. На траціну ў новага парламента - жаночы твар. Палітычныя партыі прадстаўляюць 70 чалавек. Усе астатнія, г. з. 40, беспартыйныя.
У разрэзе сфер дзейнасці: 40 % дэпутацкага корпуса ў мінулым - гэта супрацоўнікі дзяржорганаў. Амаль чвэрць прыйшла з навукі, адукацыі, аховы здароўя, культуры і спорту. 16 % - прадстаўнікі прамысловасці, а таксама транспартнай і будаўнічай галін. Каля 7 % - АУС, МНС і ваеннай службы. Словам, парламент - гэта ўвесь зрэз нашага грамадства.
Хто яго ўзначаліў? З якім настроем дэпутаты пачынаюць кадэнцыю? Вольга Анішчанка пра вынікі першай сесіі (відэа).
