У сталіцу Сірыі з нацыянальнага аэрапорта Мінск гадзіну таму вылецеў самалёт МНС Іл-76. На яго борце прадукты харчавання, медыкаменты, палаткі. Кошт грузу - больш за 2 мільярды рублёў. Усе сродкі будуць перададзеныя сірыйскім бежанцам. Чакаецца, што ў Дамаск гуманітарны рэйс прыбудзе прыкладна апоўдні па беларускім часе. Задачу ратавальнікаў ускладняе неспакойная сітуацыя ў Сірыі. За некалькі кіламетраў ад месца разгрузкі на гэты час ідуць жорсткія баі. Мы сочым за сітуацыяй.
