Новую сістэму ачысткі сцёкавых вод запусцілі ў цэнтральным рэгіёне. У Мядзельскім раёне ў вёсцы Стахоўцы адкрылі станцыю, якая патрабуе мінімум выдаткаў энергіі. Акцэнт - на экалагічны падыход. Этапаў ачысткі прадугледжана некалькі. Але галоўны - біялагічная фільтрацыя на палях, на іх расце трыснёг. Карані раслін дазваляюць ачысціць ваду, якая паступае, ад азоту і фтору.
Васіль Шашок, гендырэктар жыллёва-камунальнай гаспадаркі Мінскай вобласці: "Сістэма ачысткі тут максімальна набліжаная да натуральнай прыроднай ачысткі. За кошт рознай фракцыі пяску, жвіру фільтруецца натуральным чынам, натуральным чынам асядаюць цяжкія часціцы. І ўжо з самога будынка сыходзіць ачышчаная вада".
Праект рэалізаваны паводле нямецкіх тэхналогій, ён першы ў краіне. І калі вопыт будзе ўдалым, падобных будынкаў на карце Беларусі з'явіцца больш.
Новую сістэму ачысткі сцёкавых вод запусцілі ў Мядзельскім раёне
10 ноября 2019