Пачаўся другі этап адборачнага тура конкурсу "Воін Садружнасці"

Аператыўнасць і якасць. Лепшых байцоў выбіраюць ва Узброеных сілах краіны. Пачаўся другі этап адборачнага тура конкурсу "Воін Садружнасці". Спаборніцтвы праходзяць на базе 120-й асобнай гвардзейскай механізаванай брыгады. У конкурсе ўдзельнічаюць прадстаўнікі розных родаў войскаў. Нароўні з мужчынамі ў першынстве спаборнічаюць і жанчыны. У другім этапе адборачнага тура ўдзельнічаюць 28 чалавек. Сярод іх 7 дзяўчат. У фінал выйдуць толькі пяцёра чалавек. Гэта і будзе каманда, якая прадставіць нашу краіну на міжнародным конкурсе "Воін Садружнасці".