У Мінскім абласным судзе пачаўся суд па справе былога першага намесніка Міністра лясной гаспадаркі Фёдара Лісіцы. Нагадаем, 14 красавіка дзяржслужачага вызвалілі ад занятай пасады ў сувязі з узбуджэннем крымінальнай справы. Лісіца перавысіў службовыя паўнамоцтвы. Ён адрамантаваў двухузроўневую службовую кватэру за 300 мільёнаў рублёў бюджэтных грошай, пазапраўна завалодаў амаль гектарам зямлі. Паводле інфармацыі следства, абвінавачваны таксама пабудаваў катэдж у водаахоўнай зоне, чым нанёс навакольнаму асяроддзю ўрон на суму больш як 1 мільярд рублёў. Другі асабняк былы намеснік міністра пабудаваў за кошт дзяржавы і пазапраўна яго прыватызаваў. Першае выязное слуханне суда па справе Лісіцы праходзіць у Салігорску.