Падраздзяленні МНС ліквідавалі ўзгаранне на тэрыторыі ААТ "Мазырскі НПЗ". Інфармацыя апублікавана ў Telegram-канале МНС Беларусі.
Як растлумачылі ў ведамстве, у выніку разгерметызацыі рэактарнага блока камбінаванай устаноўкі гідракрэкінгу цяжкіх нафтавых рэшткаў адбыўся выхад вуглевадародазмяшчальнай сумесі з наступным узгараннем.
На верхнім ярусе ўстаноўкі, на адзнацы 34 м, выяўлены работнік прадпрыемства, які загінуў.
Спецыялісты высвятляюць прычыну і акалічнасці інцыдэнту.