Маштабныя змены і добраўпарадкаванне горада машынабудаўнікоў. На адной з цэнтральных і транзітных магістралей Жодзіна - праспекце Леніна - гэтым летам пачынаюцца работы па яе пашырэнні і мадэрнізацыі. Гэта працяг трасы Р53, якая сёння ў стадыі рэканструкцыі. Дарога стане бетоннай і шырокапалоснай. Рух па праспекце Леніна стаў праблематычным у гадзіны пік. Тут з'явяцца і інтэлектуальныя святлафоры.
Прывядуць у парадак і дваровыя тэрыторыі. Для гэтага сёлета прадугледжана фінансаванне. За апошні час прыкметна змяніліся адразу некалькі галоўных вуліц Жодзіна - там абнавілі асфальтавае пакрыццё.
Яшчэ адзін з акцэнтаў у добраўпарадкаванні горада - абнаўленне інфраструктуры ў месцах адпачынку. Так, новы "імідж" у Жодзінскага гарадскога пляжа. Разам з зонай купання з'явілася новая прастора для пікнікоў. Акрамя таго, прамысловы цэнтр актыўна азеляняюць.
У статусе горада абласнога падпарадкавання Жодзіну сёлета 60. Юбілейныя мерапрыемствы пройдуць у пачатку ліпеня. А на чарзе і яшчэ адна прыгожая дата - БелАЗу гэтай восенню споўніцца 75.
