На тыдні беларусы ўспаміналі дзень пачатку Вялікай Айчыннай вайны
Падобна таму, як эканоміка нежыццяздольная без моцных маральных прынцыпаў, любая палітычная і ідэалагічная мадэль мёртвая, калі шчасце аднаго дасягаецца няшчасцем другога. Усю першую палову 20-га стагоддзя гэтую ісціну адны адстойвалі, а другія спрабавалі спаліць. Калі ў 30-ых фашысты палілі кнігі паэтаў і філосафаў, яшчэ мала хто мог уявіць, што хутка нацысты кінуць у агонь жывых людзей, якіх будзе значна больш, чым гэтых кніг.
На тыдні беларусы ўспаміналі адну з самых страшных дат у гісторыі - дзень пачатку Вялікай Айчыннай вайны.
Гэта кадры з Мінска. У суботу раніцай ля галоўнага ваеннага манумента аддавалі даніну памяці загінуўшым у гады вайны. На плошчы Перамогі сабраліся ветэраны, студэнты і пагранічнікі. Менавіта воіны ў зялёных фуражках першымі сустрэлі фашыстаў. Зрэшты, пачатак урачыстым мерапрыемствам паклалі на заходніх межах цяпер суверэннай Беларусі, а тады, у 40-ых, адной вялізнай краіны, якая і супрацьстаяла ворагу. Гэта толькі праз доўгія пяць гадоў была Вялікая Перамога - перамога, якая ёсць не ў кожнага народа. А тады ў чэрвені 41-га - страх, боль і роспач.