Беларусь не прагназуе масавага прыбыцця бежанцаў з Афганістана. Сітуацыю ў гэтай краіне абмеркавалі на каардынацыйным савеце кіраўнікоў кампетэнтных органаў дзяржаў - членаў АДКБ па пытаннях барацьбы з незаконнай міграцыяй. У той жа час у МУС не выключаюць, што колькасць людзей, якія імкнуцца атрымаць статус бежанца або дадатковую абарону ў Беларусі, можа павялічыцца. Тым не менш перамяшчэнне вымушаных мігрантаў з Афганістана ніяк не павінна набыць масавы характар. Звязана гэта з аддаленасцю нашай краіны, а таксама дзякуючы правядзенню адпаведнай візавай палітыкі.
У Беларусі функцыянуе нацыянальная сістэма давання сховішча, заснаваная на міжнародна прызнанай канцэпцыі абароны вымушаных мігрантаў. З 1997 года статус бежанца ў нашай краіне атрымалі звыш 600 выхадцаў з Афганістана. Зрэшты, большая частка гэтых грамадзян пакінула Беларусь, выехаўшы ў трэція краіны. Сёння ў нас пражывае менш чым 100 грамадзян Афганістана, якія атрымалі статус бежанца.
