Неўролагі, лор-урачы, афтальмолагі, хірургі, а таксама медсёстры і фельчары. Гэтымі днямі маладых спецыялістаў пасвячаюць у прафесію. Так, 10-я гарадская паліклініка сёння прыняла 40 маладых спецыялістаў. З іх 17 урачоў-інтэрнаў і 23 чалавекі - сярэдні медыцынскі персанал. Для іх у гэты ўрачысты дзень не толькі сказанае на дарогу слова, але і падарункі: USB-накапляльнік, імянная паштоўка і кветкі.
З пачатку жніўня ва ўстановах аховы здароўя сталіцы прыступілі да працы каля паўтары тысячы маладых спецыялістаў. Гэта выпускнікі універсітэтаў і каледжаў, а таксама інтэрны.