Чарговы этап выбарчага марафону. Кандыдатаў у Савет Рэспублікі сёння вылучылі ад Мінска. Аднагалоснае рашэнне прынята на сумесным пасяджэнні прэзідыума Мінскага гарадскога савета дэпутатаў і Мінгарвыканкама. Асноўныя якасці прэтэндэнтаў - неабыякавасць да сацыяльна-эканамічнага развіцця горада, да праблем яго жыхароў, вопыт працы з людзьмі, мэтанакіраванасць і давер беларусаў.
Вылучэнне кандыдатаў у Савет Рэспублікі стартавала 12 сакавіка і працягнецца да 21-га. Пасля гэтага рашэнні будуць перададзены ў Цэнтральную выбарчую камісію. Ад кожнай вобласці і горада Мінска ў верхняй палаце парламента будзе прадстаўлена па 8 сенатараў.
