Сталіца святкуе свой дзень нараджэння, і святкуе з небывалым спартыўным размахам. Падстава вельмі вялікая. Мінск перайшоў чарговую паўвекавую мяжу. Дата сур'ёзная - 951 год. Да дня нараджэння рыхтаваліся дасканала: 2 дзясяткі пляцовак па ўсім горадзе падрыхтавалі арганізатары. Але самая маштабная традыцыйна разгарнулася каля Палаца спорту. І гэта вельмі сімвалічна, бо сустрэць свята ў духу здаровага ладу жыцця - гэта вельмі сучасна. Увазе мінчан і гасцей сталіцы - ветразная і вяслярная рэгаты, спаборніцтвы па баскетболе "тры на тры", турнір па сілавым экстрыме, паказальныя выступленні каратыстаў і барцоў. У маштабным свяце прыняў удзел і Прэзідэнт Беларусі. Аляксандр Лукашэнка ў складзе каманды Нацыянальнага алімпійскага камітэта разам з алімпійскай чэмпіёнкай Пхёнчхана па біятлоне Надзеяй Скардзінай і канькабежцамі Ігнатам Галавацюком і Марынай Зуевай выступіў у эстафеце на лыжаролерах. Гэты заезд стаў кульмінацыяй спартыўнага свята. Але аб усім па парадку, дэталёва прама зараз у рэпартажы Станіслава Ліпскага.
У далёкім 1067-м у "Аповесці мінулых часоў" Мінск упершыню быў згаданы ў гісторыі. Той год лічыцца днём нараджэння сталіцы: сёння Мінску споўніўся 951, але ледзь ці ён выглядае на свой узрост, горад-герой цудоўны, здароўем так і пыхае, таму за 286 дзён да старту II Еўрапейскіх гульняў свой дзень сталіца адсвяткавала вялікім фэстам спорту.
Месца правядзення баталій - тэрыторыя вакол Палаца спорту. Тут жа фуд-корты, канцэртная пляцоўка... Першымі ў акваторыі ракі Свіслач заўважаем каноэ і байдаркі Рэспубліканскага цэнтра алімпійскай падрыхтоўкі па веславанні: з шасці раніцы ўдзельнікі рыхтуюцца да зорнай рэгаты.
Менавіта гэты - ужо традыцыйны - старт ізноў у цэнтры сталіцы сабраў не толькі наймацнейшых весляроў краіны, але і свету. Каміла Бобр, Алёна Наздрова, Дзяніс Махлай, Арцём Козыр зусім нядаўна перамагалі на планетарным форуме ў Партугаліі, сёння ўсе яны тут. Такое свята - не толькі магчымасць паказаць сябе, але і прыцягнуць дзяцей у свой від спорту.
Наогул жа, тэрыторыю вакол Палаца спорту падзялілі на 4 спаборніцкія зоны.
У першай, акрамя весляроў, запальвалі баскетбалісты: Palova Arena сабрала больш як 70 каманд на сваіх пляцоўках, дружыне зборнай краіны дапамагае перамагаць Таццяна Ліхтаровіч. У такое свята, прызнаецца спартсменка, з вялікім задавальненнем змяніла класічны баскетбол на варыянт "тры на тры".
Другая і трэцяя зоны аб'ядналі віртуозаў сілавога экстрыму, майстар-клас падрыхтавала Федэрацыя валейбола сумесна з клубам "Мінск". Тут жа пункты пракату ролікаў, фотазона і нават урокі гульні ў шахматы - абыякавых да маштабу таго, што адбываецца, днём з агнём не адшукаеш.
Цэнтральнай жа спаборніцкай пляцоўкай стала месца правядзення эстафет на лыжаролерах і ролікавых каньках. Зборныя прадстаўленыя чатырма спартсменамі: два хлопцы і дзве дзяўчыны, дыстанцыя кожнага - 2 800 метраў.
Першымі на старт выйшлі дружыны ўстаноў вышэйшай адукацыі. Тут жа аматары: Мікалай Лукашэнка сваю дыстанцыю пераадолеў на роліках, уласна, як прэс-сакратар Прэзідэнта Наталля Эйсмант. Не было ж роўных у гэтай частцы спаборніцкай праграмы ўніверсітэту фізкультуры, другое месца ў прадстаўнікоў педагагічнага ўніверсітэта імя Максіма Танка, бронза - у зорнай каманды Акадэміі кіравання пры Прэзідэнце Беларусі. Менавіта тут бегла трохразовая паралімпійская чэмпіёнка Пхёнчхана Святлана Саханенка.
Яшчэ адна чэмпіёнка Пхёнчхана - Надзея Скардзіна перад сваім стартам апошнія дэталі будучай гонкі абмяркоўвае з старшынёй наглядальнага савета Беларускай федэрацыі біятлона Валерыем Вакульчыкам. Зусім хутка Надзея пабяжыць у адной эстафеце разам з Прэзідэнтам Беларусі, але перад стартам эксклюзіўная заява для Агенцтва тэленавін.
Адказаўшы на нашы пытанні, Надзея адпраўляецца на старт. У яе квартэце Марына Зуева, Ігнат Галавацюк і Аляксандр Лукашэнка. Дарэчы, 12 дружын выставілі свае калектывы ў рамках гонкі сярод сілавых ведамстваў і органаў дзяржкіравання.
Але перад непасрэдным стартам - абавязковая размінка. Нават, нягледзячы на тое, што Прэзідэнт з лыжаролерамі на ты: трэніруецца Аляксандр Лукашэнка рэгулярна, следам - выпрацоўка стратэгіі. Нюансы забегу Кіраўнік дзяржавы абмяркоўвае з канькабежцамі, бо ў саперніках знакамітыя Аляксей Айдараў, Алена Зубрылава, Людміла Калінчык. У бітве з такімі дасведчанымі спартсменамі дробязяў не бывае.
І як раз каманда Камітэта дзяржбяспекі дзякуючы намаганням Людмілы Калінчык лідзіравала пасля першага этапу, але стараннямі Ігната Галавацюка і Марыны Зуевай дружына Нацыянальнага алімпійскага камітэта вярнула сабе лідарскую пазіцыю. Аляксандр Лукашэнка, выдатна пераадолеўшы фінішны этап, падтрымаў пачын партнёраў па камандзе і ўтрымаў першае месца. Золата ў актыве каманды Нацыянальнага алімпійскага камітэта.
Другое месца ў зборнай Міністэрства спорту і турызму. Дарэчы, міністр Сяргей Кавальчук выдатна прабег сваю дыстанцыю, вырваўшы срэбра для сваёй дружыны, бронза - у зборнай Камітэта дзяржаўнай бяспекі.
Адразу пасля эстафет увазе аматараў спорту - першы міжнародны марафон на роліках Roller Starts. У ім прынялі ўдзел больш як 300 чалавек. Сярод іх не толькі беларусы - актывісты з Францыі, Нідэрландаў, Расіі і Украіны. Свята спорту адназначна атрымалася, гулянні ж у горадзе працягваюцца на канцэртных пляцоўках, галоўная з якіх чакае гасцей з пачастункамі ўсё там жа - каля Палаца спорту. Мінск - горад-герой, горад-легенда - сталіца, якая жыве спортам і насычае здаровым ладам жыцця ўсё вакол. І заўтра адзін з самых спартыўных гарадоў планеты гэта чарговы раз пацвердзіць: да старту Мінскага паўмарафону застаецца ледзь менш як 12 гадзін. Спяшайцеся бачыць гэта. Сябры, нас чакае акіян эмоцый!
