Мінск на тры дні стаў сталіцай турызму ў рамках кірмашу Адпачынак-2014. У які замежны лагер адправіць дзіця на лета? Як трапіць на распрадажы ў еўрапейскія сталіцы? І куды з'ездзіць адпачыць у найбліжэйшы водпуск? Пра хіты летняга сезона і не толькі - у рэпартажы Дзмітрыя Цітова.
Гэты мабільны дадатак зараз самы папулярны ў Беларусі. Паводле звестак Міністэрства спорту і турызму, яго спампавала каля 40 тысяч чалавек. Віртуальным турыстычным гідам да чэмпіянату свету абзавяліся і іншаземцы. Маштабная праграма па развіцці турызму ў Беларусі распланаваная да 2015 года. Экспарт турыстычных паслуг летась склаў 115%, сёлета плануецца павялічыць да 140.
2014-ты аб'явілі годам ваеннага турызму. І гэта невыпадкова, бо сёлета адразу дзве круглыя даты - гэта стагоддзе Першай сусветнай вайны і 70-годдзе Вызвалення Беларусі. Таксама турфірмы распрацоўваюць і індывідуальныя праграмы да чэмпіянату свету, дзе кожны жадаючы можа не толькі прасякнуцца гісторыяй, а таксама дакрануцца да яе.
Адкрывалі штогадовы турыстычны кірмаш акрамя айчынных удзельнікаў і госці з Расіі, Балгарыі, Літвы, Турцыі і Італіі. Летась нашу краіну наведала каля 130 тысяч турыстаў. Пачатковец кірмашу Адпачынак-2013 - аўтаномны рэгіён Сардзініі сёлета з'яўляецца адным з самых прынадных месцаў для падарожжаў.
У Беларусі адкрылі і новы турыстычны кірунак. Гэты від падарожжа звязаны ў першую чаргу з турыстамі, якія аддаюць перавагу раз'язджаць па розных краінах у дамах на колах. Пры наяўнасці кемпінгаў і адпаведнай інфраструктуры павінна вырасці і цікавасць да нашай краіны з боку еўрапейскіх аўтатурыстаў.
Аляксандр Шамко, Міністр спорту і турызму Беларусі: Новы кірунак - гэта каравайнеры. Турыстычны рух, які даволі эфектыўна развіты ў Еўропе. І ён будзе мець поспех і ў нашай краіне. Таму што Беларусь - транзітная краіна. Да чэмпіянату свету некалькі пляцовак у Мінску здадзены.
Альтэрнатывай Украіне для беларускіх турыстаў могуць стаць курорты Балгарыі і Краснадарскага краю. Шматлікія турфірмы не адмаўляюцца ад украінскага кірунку, некаторыя з іх спрабуюць перастроіць свае маршруты. А вось з самых папулярных гарадоў Беларусі ў рэйтынгу - Мінск, Полацк, Брэст і Гродна.
Максім Рыжанкоў, памочнік Прэзідэнта Беларусі па пытаннях фізічнай культуры, спорту і развіцця турызму: Спартыўны турызм таксама павінен стаць адным з істотных кірункаў далейшага развіцця турызму.
У нас даўно ўжо аблюбавалі лядовыя арэны - Пінская, Пружанская, Бабруйская. Каманды з Расіі, якія з вялікім задавальненнем прыязджаюць, плацяць добрыя грошы - гэтыя грошы ўкладваюцца ў нашу турыстычную інфраструктуру.
А ў прыярытэце ў беларусаў - краіны з выхадам да мора. Паводле слоў прадстаўнікоў Міністэрства спорту і турызму, пакетныя туры пакуль не даражэюць.
