Сітуацыю вакол нашых меж, ваенную актыўнасць Польшчы і краін Прыбалтыкі дэталёва ацэньваюць у Мінску. У ваенным ведамстве адзначылі, што недружалюбныя крокі нашых суседзяў па разгортванні кантынгенту, інфраструктуры, якая, дарэчы, дазваляе ў самыя кароткія тэрміны нарасціць баявы склад войскаў, толькі падкрэслівае эскалацыю становішча. А паскоранае перакідванне войскаў да дзяржмяжы Беларусі ў Мінабароны лічаць падрыхтоўкай да вядзення баявых дзеянняў.
15-тысячная групоўка войскаў: Варшава пацвердзіла свае агрэсіўныя планы
Усё ўказвае на тое, што Варшава завяршае фарміраванне ўдарнай групоўкі войскаў ля беларускай мяжы. Сведчаннем таму з'яўляюцца вучэнні чатырох злучэнняў. Палякі адпрацоўваюць фарсіраванне воднай перашкоды, сумеснае дзеянне танкавых, пяхотных падраздзяленняў і артылерыі дывізіённага падначалення. Падрыхтоўка да агрэсіі супраць Беларусі выходзіць на фінішную прамую. Праўда, са стратамі: падчас вучэнняў вайскоўцы ледзь не ўтапілі танк Tumak-21 падчас фарсіравання ракі.
Створаная сістэма рэагавання на падобныя выклікі дазваляе УС Беларусі стварыць групоўкі войскаў на любым кірунку
Узброеныя Сілы Беларусі, узмацняючы мерапрыемствы па разведцы, працуюць у планавым рэжыме. Створаная сістэма рэагавання на такія выклікі дазваляе ў найкароткія тэрміны пры неабходнасці стварыць групоўкі войскаў на любым кірунку. Як самастойна, так і сумесна са стратэгічным саюзнікам - Расійскай Федэрацыяй.
