Міністр замежных спраў Венгрыі наведаў факультэт міжнародных адносін БДУ

Падрабязнасці беларуска-венгерскіх адносін ад першай асобы сёння даведаліся студэнты БДУ. Міністр замежных спраў Венгрыі Петэр Сіярта наведаў факультэт міжнародных адносін. Лекцыя прайшла на англійскай мове і была прысвечаная праблемам міграцыі ў Еўрапейскім саюзе, а таксама знешняй палітыцы. Такая сустрэча з беларускімі студэнтамі адбылася для міністра не першы раз. Чатыры гады таму Петэр Сіярта ўжо чытаў лекцыю для будучых дыпламатаў.