І сёння ў Доме ўрада прэм'ер-міністр Міхаіл Мясніковіч прадставіў калегам новага міністра архітэктуры і будаўніцтва. Характэрна, што пасяджэнне прэзідыума Савета міністраў было прысвечана як раз выкананню праграмы па ўзвядзенні жылля. Па плане ў 2013-м павінна быць уведзена ў эксплуатацыю 6,5 млн. квадратных метраў. Аднак за першае паўгоддзе пабудавана пакуль менш за палову ад вызначаных аб'ёмаў. Відавочна, што новага міністра наперадзе чакае напружаная праца, у тым ліку і ў найважнейшым кірунку галіны.
