МЗС: беларускія грамадзяне пацярпелі ў Ізраілі ад ракетных абстрэлаў

Беларускія грамадзяне пацярпелі ў Ізраілі ад ракетных абстрэлаў. Гэта паведамляе БЕЛТА са спасылкай на прэс-службу МЗС Беларусі.

"У сувязі з рэзкім абвастрэннем сітуацыі ў Ізраілі за мінулыя суткі ў пасольства Беларусі ў Тэль-Авіве з рознымі пытаннямі звярнуліся каля 30 беларускіх грамадзян, двое з якіх - сын з маці - пацярпелі ў выніку ракетных абстрэлаў горада Ашкелона. Абодва пацярпелыя зараз шпіталізаваныя, ім аказваецца неабходная медыцынская дапамога, стан аднаго з іх ацэньваецца як вельмі цяжкі. Пасольства знаходзіцца ў кантакце з медыцынскай установай і са сваякамі пацярпелых", - заявілі ў МЗС.

Усім грамадзянам Беларусі, якія знаходзяцца на тэрыторыі Ізраіля, рэкамендуецца строга выконваць указанні службы тылу і мясцовых уладаў.

Беларускі бок ізноў заяўляе аб недапушчальнасці атак на цывільнае насельніцтва.

"Шакіраваны інфармацыяй аб колькасці загінуўшых і параненых у першыя суткі канфлікту. Выказваем словы спагады родным і блізкім пацярпелых", - заявілі ў ведамстве.