Адзін крок да трыццаткі лепшых. Міжнародны саюз электрасувязі апублікаваў новы рэйтынг па развіцці ІКТ. Беларусь у ім паднялася на 31 месца.
За апошнія гады наша краіна палепшыла свае пазіцыі ў рэйтынгу: у 2008 мы займалі 84-е месца, у 2010 - 50-е, у 2014 - 38-е месца, а летась быў 36-ы радок. Другі год запар узначальвае рэйтынг па развіцці ІКТ Рэспубліка Карэя, затым ідуць Ісландыя і Данія. Расія заняла 43-е месца, Казахстан - 52-е.
Індэкс інфармацыйна-камунікацыйных тэхналогій складаецца з адзінаццаці паказчыкаў. Сярод іх - доступ да ІКТ (гэта колькасць абанентаў правадной і мабільнай сувязі, шырыня знешняга інтэрнэт-шлюзу), ступень іх выкарыстання (колькасць актыўных карыстальнікаў мабільнай сувязі і Інтэрнэта), а таксама навыкі выкарыстання ІКТ у жыхароў краіны.
