Паміж Расіяй і Беларуссю ў рамках развіцця партнёрскіх сувязяў сёння пачынае дзейнічаць рэгулярны авіярэйс Масква - Гомель. Вылеты з абласнога цэнтра будуць ажыццяўляцца тройчы на тыдзень - у панядзелак, сераду і суботу. Першы самалёт сёння прыляцеў у Гомель з маскоўскага Шарамецьева, на борце было каля 40 чалавек. Прыкладна столькі ж пасажыраў адправілася ў расійскую сталіцу з горада над Сожам. Абавязковая ўмова палёту - ПЛР-тэст.
Новы авіярэйс
Авіязносіны паміж Беларуссю і Расіяй будуць развівацца і далей. Да канца года плануецца запуск рэгулярнага рэйса Гомель - Калінінград.