Адправімся на паўднёвы ўсход Магілёўскай вобласці. Праграма развіцця гэтага рэгіёна працуе ўжо другую пяцігодку. Старт маштабнаму эканамічнаму і сацыяльнаму абнаўленню вобласці далі ў 2015-м, калі Прэзідэнт падпісаў адпаведны ўказ. Адразу 7 раёнаў атрымалі моцную дзяржпадтрымку ў выглядзе льгот і прэферэнцый.
Галоўная мэта - павышэнне якасці жыцця людзей. З'яўляюцца новыя прадпрыемствы, падцягваюцца сацыяльныя стандарты, становіцца больш і прыватных ініцыятыў. Такую карціну можна назіраць і ў Слаўгарадзе. Гэта адзін з самых вядомых гарадоў паўднёвага ўсходу, які прываблівае турыстаў з усёй краіны. А яшчэ цалкам камфортнае месца для жыцця. У гэтым пераканаўся і наш карэспандэнт Антон Малюта (відэа).
