У беларускіх ратавальнікаў - сёння прафесійнае свята. Тым не менш, падраздзяленні МНС - на пасту, выконваючы ўвесь спектр аварыйна-выратавальных прац. З ростам прагрэсу здарэнні становяцца ўсё больш складанымі і тэхналагічнымі. Напрыклад, у Мінску шматпавярховая забудова накладвае сваю спецыфіку. У сталічным упраўленні на ўзбраенні - спецтэхніка з лесвіцамі, каленчатыя аўтападымальнікі, працуюць групы ў альпінісцкай экіпіроўцы. Дарэчы, менавіта ў Мінску ёсць і ўнікальны на прасторы СНД аўтамабіль, які дазваляе паднімацца на 90-метровую вышыню. Сучасныя ратавальнікі гатовыя да працы ў любых умовах.
Немалаважна і развіццё больш цеснага ўзаемадзеяння паміж ратавальнікамі розных краін. На мінулым тыдні сталічных ратавальнікаў наведалі пажарныя з Хельсінкі. Фінскія калегі азнаёміліся з паркам і абсталяваннем аварыйна-выратавальных частак у Мінску, абмеркавалі асаблівасці працы ў шматпавярхоўках і выкарыстанне вышыннай тэхнікі.
