Лукашэнка сабраў нараду па пытанні стварэння ваенных пракуратур

Прэзідэнт Беларусі Аляксандр Лукашэнка сабраў нараду па пытанні стварэння ваенных пракуратур, паведамляе БЕЛТА.

"Тэма сённяшняга мерапрыемства - ваенная пракуратура. Не буду характарызаваць сітуацыю ў свеце: вы выдатна яе ведаеце. Проста нагадаю, што ў 2014 годзе было прынята рашэнне аб ліквідацыі сістэмы ваенных пракуратур", - сказаў Аляксандр Лукашэнка.

Паўнамоцтвы па наглядзе за выкананнем заканадаўства ва Узброеных Сілах, іншых войсках і воінскіх фарміраваннях Беларусі перадалі цывільным органам пракуратуры.

"Узнікае заканамернае пытанне: а зараз сітуацыя ў гэтых галінах змянілася? Напэўна. Узнікае пытанне: настолькі змянілася, што нам трэба ствараць ваенныя пракуратуры? - спытаў Прэзідэнт. - Пытанне галоўнае сёння: трэба ці не трэба ўзнаўляць сістэму пракурорскага нагляду, якая была да 2014 года".