1 верасня - Дзень ведаў. Свята аднолькава хвалюючае для ўсіх дзяцей і іх бацькоў. Урачыстыя лінейкі пройдуць сёння ва ўсіх школах краіны.
У новым навучальным годзе за парты сядуць каля 1 млн 85 тыс. навучэнцаў, у тым ліку каля 115 тыс. першакласнікаў. У Беларусі 1 верасня адкрыюцца адразу чатыры новыя школы - у Кобрыне, Століне, Смалявічах і ў Мінску. Першы ўрок пройдзе на адзіную тэму "Гістарычная памяць - дарога ў будучыню".
І 1 верасня ў ролі настаўніка будзе кіраўнік дзяржавы. У Дзень ведаў Аляксандр Лукашэнка, як чакаецца, правядзе ўрок гісторыі ў Палацы Незалежнасці, які будзе транслявацца ў школах і ВНУ краіны.
