Дыялогавыя пляцоўкі па абмеркаванні змяненняў і дапаўненняў Канстытуцыі функцыянуюць у арганізацыях і на прадпрыемствах беларускай сталіцы і рэгіёнаў краіны. Толькі ў Мінску створана 9 груп экспертаў для дыскусій у працоўных калектывах. Актыўныя ў рабоце форумаў і парламентарыі. Так, асаблівасці канстытуцыйных пераўтварэнняў з педагогамі Фрунзенскага раёна сталіцы 10 студзеня абмяркоўвала дэпутат Палаты прадстаўнікоў Марына Лянчэўская. Як яна адзначыла, мы ствараем моцную сацыяльна арыентаваную дзяржаву з традыцыйнымі сямейнымі каштоўнасцямі. Пры гэтым дзякуючы канстытуцыйным змяненням важна зафіксаваць і такое паняцце, як "сацыяльная адказнасць грамадзяніна". Напрыклад, за сваё здароўе.
Нагадаем, у адміністрацыі кожнага раёна сталіцы і самім Мінгарвыканкаме працуюць грамадскія прыёмныя, дзе можна асабіста атрымаць поўную інфармацыю, а таксама пакінуць свае прапановы па змяненнях і дапаўненнях у Канстытуцыю. Прыёмныя працуюць тройчы на тыдзень у вячэрні час.
